Ed aur Lauren Warren ke anusaar asli Annabelle ki kahani 1970 se shuru hoti hai, jab Donna(डोना) naam ki ek ladki ki maa, hobby store se antique “Raggedy Anne”(रैगेडी ऐन) ki doll ko khareedti hai. “Raggedy Anne” asal me ek famous comic character ka naam hai, jisse inspired kayi saare dolls 1910s ke lagbhag bane the. Donna ki maa uss doll ko, apni beti ke birthday gift ke taur pe khreed rahi thi.
Donna ki baat kare, toh woh ek nursing student thi, jo abhi haal hi me 28 saal ki hone waali thi. Bhool Bhulaiyaan-3 ki main character ki bhi maa, apni beti ke liye aise hi kisi antique doll ko khreed sakti hai. Wahi ho sakta iss baar film me main female character ek 28 saal ki nursing student ho.
Khair, Uss doll ko khreedne ke kuch wakt baad se hi, doll apne aap ghar me move hone lagi thi. Doll shuruat me toh sirf apna thoda bahut position hi change karti thi, lekin kuch hi wakt me woh ek room se dusre room me apne aap move hone lagi thi. Jis flat me Donna rehti thi, uske saath Angie(ऐंगी) naam ki ek aur nursing student bhi rehti thi. Donna aur Angie dono ne kayi baar doll ko apni position change karte huye dekhi thi. Donna aur Angie aksar hi doll ko alag-alag kamre me paate the. Yaha tak ki doll Donna ke kamre me waapas bhi aa jaati thi, jiska darwaza aksar band hota tha. Angie aur Donna kayi baar doll ko cross leg kar baithe huye paate the. Wahi kitni baar doll ki leg cross hone ke saath hi, arms bhi folded hoti thi. Doll kabhi-kabhi dinning room ke chair ke sahaare khadi bhi milti thi. Yaha tak ki doll chair pe knees ke sahaare jhuki hui bhi nazar aati thi, jo apne aap me ajeeb tha, kyunki Angie aur Donna ne isse pehle doll ko uske knees ke sahaare baithane ki kayi baar koshish ki thi, lekin doll aksar gir jaati thi, kyunki woh kneel(घुटना टेकना), kar hi nahi sakti thi.
yaha se baat aur aage badh gayi, jab Donna ko bacche ki handwriting me parchment(पार्चमेंट) paper pe likhe “Help us!” aur “Help Lou” jaise notes milne lage. Lou asal me Angie ka fiancé tha. In sab me ajeeb baat yeh thi ki Donna ke paas parchment paper tha hi nahi, issi kaaran unn saare notes ka uss paper pe likha hona kaafi strange tha.
Yaha tak ki nursing student Donna, jab apne kaam se waapas ghar lauti tab usne doll se khoon girte huye dekha tha. Asal me Donna ne dekha ki doll ke haath ke peeche blood stain tha, iske alawa doll ke chest pe bhi blood ke 3 drop lage huye the. Donna ko bilkul samjh nahi aa raha tha, ki aakhir khoon ki tarah dikhne waali yeh red substance, aakhir doll pe aayi kaha se. Issi ke baad hi Donna ne
demonologist ki madad leni ki sochi. “Demonologist” ka matlab hota hai woh log, jo evil spirits aur demons ke jaankaar hote hai. Lekin film Bhool Bhulaiyaan me demonologist ke badle typical tantric ki madad li jaa sakti hai.
Khair, Demonologist ne Donna ke ghar me aisi sabha karwayi, jisme demonlogist bhoot’on se baat kar sakte hai. Isse séance(सेयॉन्स) bhi kehte hai.
Séance ke hi through uss demonologist ne Donna aur Angie ko Annabelle naam ki ek 6 saal ki ladki ke bhoot se unhe milwaya. Asal me Annabelle Higgins naam ki ek 6 saal ki ladki, bahut saal pehle ek car accident me ussi jagah maari gayi thi, jaha pe philhaal Donna ka apartment tha. Halanki kuch logon ka yeh bhi kehna hai ki Donna ka jaha ab apartment hai, waha pe pehle Annabelle ka ghar hua karta tha, jiski maut 6 saal ki umar me ho gayi thi aur ab woh chahti thi ki Donna aur Angie use apne saath hi rakhe aur usse pyaar kare. Donna ka ek dost tha Lou, jo asal me Angie ka fiancé bhi tha. Teeno saath me ek hi apartment me rehte the. Kaha jaata hai Lou ne sabse jyada Annabelle ke gusse ko jhela tha. Lou Annabelle doll ka kahi se bhi fan nahi tha, aur usne kayi baar Donna ko bataya bhi tha, ki Annabelle evil hai. Ek baar Lou jab so raha tha, tab usne doll ko apne pairon ke paas paaya, jiske baad woh doll uske pairon ke sahaare uske upar chehad gayi aur uska gala dabaane lagi. Lou oxygen ki kami se behosh ho gaya aur woh agli subah tak nahi utha. Ek aur baar aisa hi kuch hua tha. Asal me Lou ko laga ki uske flat me koi ghus aaya hai, lekin waha uss doll ke alawa aur koi nahi tha. Jab Lou peeche mooda tab achaanak se uske back pe jalne jaise 7 पंजो ke nishaan aa chuke the. Issi ke baad Donna samjh chuki gayi, ki maamla ab unke haath se jaa raha hai, issiliye usne expert demonologist Ed aur Lauren Warren ki madad li. Jab Ed aur Lauren ne doll ke maamle ki jaanch ki, tab unhe pata chala ki uss doll me kisi bhi choti bacchi ki aatma nahi ghusi hai. Ed aur Lauren ke anusaar uss doll ke andar ek demonic power(शैतानी शक्ति) hai, jo uss doll ko ek sahaare ke roop me istemaal kar raha hai. Wahi demons jyada der tak kisi non-living object me nahi reh sakte, issi kaaran woh doll Donna ke ghar me kisi ko apna shikaar banane ki soch rahi thi. Asal me doll ke andar maujood demon, Donna ke ghar ke kisi member ke body me khud daalna chah raha tha, shaayad woh Lou ho sakta hai. Ed aur Lauren ne apartment me Catholic tarike se exorcism yaani ki puja karwayi, jis ke baad woh doll ko apne saath le gaye. Halanki Ed aur Lauren ka uss doll ko apne saath le jaana utna bhi asaan nahi tha. Kyunki raaste me Ed aur Lauren uss doll ki wajah se kayi car accidents ke shikaar bane the. Kyunki Warrens ne Doll ko Donna ke ghar se hata liya tha, issi kaaran doll kaafi gussa thi. Lekin jab doll ko le jaate wakt maamla bigarta nazar aaya, tab Ed ne uss doll pe holy water(पवित्र जल) daala, jiske baad jaakar woh doll shaant hui. Doll ko apne ghar le aane ke kuch hafton tak uss doll ne Warrens ke saath bhi wahi kiya, jaisa ki usne Donna ke ghar kiya tha. Woh aksar ek room se dusre room switch hoti rehti thi. Ek baar toh maamla itna badh gaya ki Ed aur Lauren ne phir Catholic priest(pujaari) ki madad li. Lekin bhale hi uss priest ne Ed aur Lauren ki madad kar di ho, lekin woh khud issi ke just baad, ek serious car accident ke shikaar ho gaye the. Issi ke baad Ed aur Lauren ne ghar me bane apne office me, Annabelle doll ke liye ek khaas case banwaya, jiske andar unhone uss doll ko humesha ke liye band kar diya. Aaj bhi woh doll wahi band hai.
Halanki Ed ki maut 79 saal ki umar me 2006 me ho gayi, wahi Lauren ki maut 92 saal ki umar me 2019 me ho chuki hai.

Ho sakta hai Bhool Bhulaiyaa-3 bhi aise hi kisi demonic power ki kahani pe based ho. Jisse tang aakar film ke main character kisi pujaari ki madad le. Yeh bhi ho sakta hai ki Annabelle ki hi tarah, Bhool Bhulaiyaan me bhi demonic power main character ko jaan se maarne ki koshish kare. Waise toh hone ko kuch bhi ho sakta hai, dekhna yahi hoga ki film me aakhir kis tarah ki kahanj aati hai.
The End