Gopal Das, Odisha Police mein 1992 se kaam kar raha hai. Ganjam district mein 2009 mein Das ka promotion hua tha, aur woh philhaal Assistant Sub- Inspector ki position par tha. Uske records hamesha se hi clean aur impressive rahe the. In fact, Das ko 18 medals bhi mil chuke hain apni service ke liye. Records mein usne kayin cases solve kiye hain, aur department Das ki bahut izzat bhi karta hai.
Magar kuch din pehle kuch bahut ajeeb hua. Yeh baat 2023 ki hi hai. Khabar aayi ki State health minister N K Das par jaanlewa hamla hua hai. Unhein goli lagi hai, aur unhein turant hi aspataal lejaya gaya hai. Kamaal ki baat hai ki goli Gopal Das ne maari hai.
Khabrein hain ki pichle 2 hafte se Gopal Das baar baar N K Das par hamle ki koshish kar raha tha, aur uss din usse mauka mila. 29 Jan ko minister kisi function ke liye bus ghar se nikle hi the. Gopal Das ko by chance ussi area mein traffic clearance ki duty di gayi thi. Woh besabri se intezaar kar raha tha N K Das ka.
Jaise hi minister sahab bhaar aaye, ussi samay bina ruke Gopal Das ne apne kadam minister ki taraf bhadhaye. Kaafi beedh thi toh kisi ko shaq nahi hua ki Gopal Das itna paas kyun araha hai. Magar Gandhi Chowk Police Outpost ka Gopal Das apne intentions mein clear tha. Woh minister ke bahut paas aya, aur usne turant hi banduk nikaali, aur bahut kareeb se direct nishana banate hue minister par goli chala di. Usne yeh apni duty wali pistol se hi kiya, aur woh bhi bina soche ki iska anjaam kya hoga.
Minister sahab just gaadi se nikle hi the jab mauka dekh kar Gopal Das ne yeh kar diya. Ussi samay aur officers wahan aaye aur unhone Gopal ko dhar liya. Minister ko hospital lejaya gaya, aur unhein injuries bhi kaafi aayi. Bheedh ki wajah se goli idhar udhar lagi thi minister ko isi liye unki jaan bach gayi.
Reports ke hisaab se Gopal ne yeh 2 kaaran ki wajah se kiya tha. Pehla yeh ki uska promotion nahi ho raha tha, aur dusra usne arzi di thi department mein apne rishtedaar ki, ki usse bhi liya jaaye. Magar minister sahab jo ki health minister hain unhein kyun maara. Jab yeh unke under nahi ata toh woh kyun nishana bane.
Yeh toh kehne ki baatein hain, warna itna dabangg officer jisse 18 medal milein hain woh aisa kyun karega. Isi liye philhaal iske peeche ki kahani jann ne ki koshish ki ja rahi hai.
Kya pata Dabangg 4 mein bhi hamein kuch aisa hi dekhne ko mile!
Description
Gopal Das, a brave officer fired bullets at a minister. The reason is unknown.
-By Pratima Ratwani.
