“1600 Pennsylvania Avenue” ka jab koi naam leta hai toh sab samjh jaate hai yaha pe American president ke ghar, yaani ki “White House” ki baat ho rahi hai. America ke capital Washington D.C me stith White House, bhale hi kitna bhi luxurious kyun naa ho, lekin iss baat se koi inkaar nahi kar sakta ki yeh jagah asal me haunted hai.
1797 me America ke dusre president ban’ne ke baad John Adams apni wife Abigail Adams(एबीगेल) ke saath America ki puraani raajdhaani Philadelphia se, Washington ke White House me rehne aa gaye the. Uss samay Washington D.C, U.S ka official capital nahi bana tha aur tab woh sirf ek aam sehar tha. Kaha jaata hai ki 2nd American President ki wife Abigail, apni laundry khud karti thi. Issi kaaran kyunki White House ka “East Room” thoda garam aur dry tha, toh Abigail apne dhule huye kapde wahi sukha leti thi. White House ke staffs ke mutaabik, Abigail ka bhoot aaj bhi East Room me maujood hai aur woh aaj bhi apni laundry karne White House me aati hai. Logon ke mutaabik cap aur lace shawl pehne huye Abigail ke bhoot ko logon ne East Room ki yor jaate huye dekha hai. Logon ka kehna hai ki Abigail ka bhoot apne haathon ko aise faila kar rakhta hai, jaise ki usne apne haathon me laundry ke kapde pakre ho. Staffs ne yeh bhi kaha hai ki East Room ka area गीले kapde ya phir lavender ki tarah smell bhi karta hai. Aisa lagta hai Abigail ko apne aur bhi kapde dhone hai, tab hi toh woh aksar White House me ghumti nazar aa jaati hai. Kaha jaata hai America ke 16th President Abraham Lincoln ne apne maare jaane ka pehle hi पूर्वाभास(foresaw) kar liya tha. Woh bhi ek baar nahi kayi baar. Abraham ko kahi na kahi apne marne ka pehle se hi pata tha. Jaankaari ke mutaabik ek baar Lincoln ne apne marne ka sapna bhi dekha tha, jiske kuch hi dino baad unka murder ho gaya tha. Abraham Lincoln ka bhoot aaj bhi White House me bhatakta hai. Khaas kar “Lincoln Bedroom” me jo ek wakt pe unka office hua karta tha. America ke 30th president Calvin Coolidge(कूलिज) ki wife Grace ne sabse pehle Lincoln ke bhoot ko dekha tha. Grace ke mutaabik president Abraham Lincoln ka bhoot, “Oval office” ke khidki se apne haathon ko peeche kar, baahar “Ptomac river”(पटोमैक) ki yor dekh raha tha. Shaayad woh Potomac se ab bhi American Civil War ke khooni yudh ko dekh rahe honge. American Civil War 1861 se 65 tak chala tha. Wahi Abraham Lincoln bhi 1861 se 1865 tak hi president ke post pe reh paayen the. Khair, Grace pehli insaan bhale hi thi, jinhone Abraham Lincoln ka bhoot dekha tha, lekin woh aakhiri nahi thi, kyunki Grace ke baad bhi kayi aur logon me President Lincoln ke bhoot ko, yaa toh dekha hai toh yaa toh unhe President ke hone ka आभास hua hai. 36th U.S president Laydon Johnson ki wife Lady Bird Johnson ko aisa feel hua tha, jaise ki Abraham Lincoln unke aas-paas hi maujood ho. Asal me ek raat White House me reh rahi Lady Bird TV program dekh rahi thi, jisme Abraham Lincoln ke assassination ke baare me bataya jaa raha tha. Lady Bird ke mutaabik jab woh yeh program dekh rahi thi, tab unhe aisa laga, ki jaise kamre me unke alawa bhi koi hai aur woh unhe Lincoln ke hone jaisa feel karwa raha tha. Waise toh yeh saari incident ek se do baar hi ghati hai, lekin Abraham Lincoln ke bhoot ko lekar sabse famous kahani President Franklin.D. Roosevelt(रुज़वेल्ट) ke presidency ke dauran saamne aayi thi. Franklin Roosevelt America ke 32nd president the, jinki wife Eleanor Roosevelt White House me rehne ke dauran “Lincoln Bedroom” ka istemaal, apne study room ke taur pe karti thi. Eleanor ke mutaabik jab woh raat me uss kamre me kaam karti thi, tab unhe aisa feel hota tha, jaise Lincoln aas-paas hi hai.
Wahi jab Netherland ki raani Queen Wilhelmina(विल्हेल्मिना) jab White House me ruki thi, tab unhone raat ke wakt apne kamre ke darwaze pe knock karne ki awaaz suni thi. Jab Queen ne jawaab diya, toh unhone dekha ki Abraham Lincoln apni famous hat pehne darwaze pe khade hai. Queen yeh dekh kar itni darr gayi ki wahi behosh ho gayi.
Abraham Lincoln ke bhoot se joodi aage aur bhi baatein hai, jiske baare me hum charcha karenge. Iske alawa Abraham Lincoln ne apne sapne me apni maut ko lekar kya dekha tha, ise bhi hum aage jaanenge, toh bane rahiye humare saath iss channel pe, jiska naam hai Bollygrad studioz.
To be continued…part-1