Abraham Lincoln America ke 16th President the, jinhe log aaj bhi unke acche kaamo ke liye yaad karte hai aur shaayad issiliye Americans aaj tak Lincoln ke assassination ki khabar se ubar nahi paayen hai. Log kehte hai ki Lincoln pehle se hi jaante the ki unki maut jald hone waali hai. Ji haa! Ward Hill Lamon(लामोन), Abraham Lincoln ke khaas dost the, jinke mutaabik 1865 me Lincoln ne unhe apne ajeeb se sapne ke baare me sabse pehle bataya tha. 1865 ki ek shaam ko Abraham, Lamon se apne sapne ke baare me batana shuru karte hai. “Kareeb 10 din pehle mai apne kaam se late free hua, aur mai jald hi sapne dekhne laga. Aisa lag raha tha jaise mere chaaron yor maut jaisa sannata hai. Phir maine dabe awaaz me logon ko rote huye suna. Mujhe aisa laga jaise mai apne bed se uthkar neeche ghum raha hu. Mai ghumte huye East Room ki yor jaa pahucha. Mere saamne ek coffin thi, jisme dead body funeral ke kapde me lipti hui thi. Coffin ke saamne kuch soldiers khade the, jo coffin ko guard kar rahe the. Waha pe bahut saare log maujood the, kuch dukhi mann se dead body ki yor dekh rahe the, jinke chehare covered the. Wahi kuch kaafi ro rahe the. ‘Aakhir White House me kon mara hai?’ maine ek soldier se sawaal kiya, jisne jawaab me kaha ‘President…woh ek हत्यारे dwara maare gaye.’”
Yeh pehli baar nahi tha, jab Abraham ne itna ajeeb kuch face kiya tha. Isse pehle bhi Abraham ne apne Illinois(इलिनोइस) sith ghar ke mirror me apni do shaklein dekhi thi. Yeh uss dauran ki baat hai, jab Lincoln ka pehla presidential election hone waala tha. Abraham apne ghar ke upar ke kamre me aaram kar rahe the, tabhi unka dhyaan kamre me maujood mirror ki yor gaya, jaha Abraham ne apni do shakal mirror me dekhi. Ek unka asli chehara tha toh wahi dusra kaafi jyada pale tha. Abraham ne jab apna chehara hata kar dobara mirror me dekhne ki koshish ki, tab bhi unhe do shakal nazar aa rahe the.
April 14 1865 ka woh daur tha jab President Lincoln dobara president banne ke liye nominate huye the. Halanki 14 April ko Ford Theater me ek film dekhne ke dauran hi kisi ne Abraham Lincoln pe goli chala di, jiske agle hi subah Abraham ki maut ho gayi thi. Lincoln ke 4 bete the, lekin unme se sirf 1 hi bada ho paaya, kyunki Lincoln ke bete Edward ki maut bhi apne pita ki maut ke thik baad, 18 saal ki umar me ho gayi thi. Usse bhi pehle 12 saal ke Willie ki maut ho gayi thi, jisse president kaafi dukhi rehne lage the. Kaha jaata hai Abraham Lincoln ki superstitious wife Mary Todd, apne bete Willie ki aatma se baat karne ke liye White House me sabha bhi karwaati thi, lekin Lincoln ko iss baat pe bharosa nahi tha, jis kaaran woh sirf do hi sabha me shaamil ho paayen the.
Kaha jaata hai aaj bhi Abraham Lincoln ka bhoot White House me bhatkta hai. Apne aakhiri dino me jis tarah se Lincoln patle ho gaye the, unka bhoot bhi kuch ussi tarah se White House nazar aata hai.
Bhool Bhulaiyaa-3 ki baat kare, toh ho sakta hai iss baar film kisi sacchi ghatna pe based ho. Yaani ki jis tarah se America ka white House sach me bhootiya hai, kuch ussi tarah se India me bhi puraane wakt ke mahal haunted ho chuke hai. Aise me unn Mahalon ki sacchi ghatna pe agar yeh film based hoti hai, toh yeh kahani kaafi interesting saabit hogi.
The End
