British Royal Family ki taj ki shaan ban chuki Kohinoor, ki apni alag kahani hai.
Kohinoor diamond ko Karnataka ke kollur mine se Kakatiya Dynasty (काकतीय)dwara nikala gaya tha. Kollur mine Krishna nadi ke southern bank pe stith hai, jisme se middle age ke dauran, desh ka sabse keemti heera Kohinoor ko, 13 feet ki gehraayi se baahar nikala gaya tha. Kakatiya Dynasty maa Bhadrakali ki puja karte the. Issi kaaran jab unhe mine se kohinoor mila toh use Kakatiya Dynasty ke raaja ne, maa Bhadrakali ki left aankh pe fix karwa diya tha. Kohinoor diamond 186 carat ki hai, jise locally Bhadrakali mandir me rakha gaya tha. Yahi se 1290 me Alauddin Khilji ne Kohinoor ko seize kar, apne kabze me kiya tha. Halanki yaha se yeh diamond kaha gayi, iski koi jaankaari nahi maujood hai. Lekin kaha jaata hai 1526 me Kohinoor phir ek baar saamne tab aayi, jab Humayun ne Kohinoor ko apne pita Babar ke saamne pesh kiya. Lekin shaayad Babar Humayun ke heere se kuch khaas impress nahi huye. Babar ne Kohinoor ko apne haathon me lekar kaha “Yeh aadhe se 2 din tak khaana poori duniya ko pahucha sakti hai.” Aur aisa keh kar Babar ne Kohinoor ko waapas apne bete ke haathon me de diya. Kuch saalon baad jab Humayun ko unke rival Sher Shah Suri ne yudh me hara kar India se baahar kar diya tha, tab Humayun ne Kohinoor ko Persia ke raaja ke saamne pesh kiya tha, taaki woh Humayun ko rehne ki jagah de de. Yaha se Kohinoor ne apne kayi badalte owners aur दिलचस्प journey dekhe, jiske baad 17th century me yeh diamond waapas se Mughal ke raaja Shah Jahan ke haathon me aa gayi. Shah Jahan ne 1635 me Kohinoor ko apne shaahi “mayur” सिंहासन (throne) pe lagwa diya. Kuch saalon baad sone se bane iss sinhasan ko Kohinoor diamond ke alawa rubies aur emeralds se bhi saja diya gaya. Halanki Delhi me huye Karnal battle me jab Mughal ke raja Mohammad Shah ki haar hui, tab Persia ke raaja Nadir Shah iss sinhasan ko apne saath le gaye. Tab se kohinoor lage huye iss heere pe Nadir Shah hi baithe. Phir ek din Shahrokh Shah ne apne Dada Nadir Shah ke sinhasan pe lage kohinoor ko le liya aur use Afgani Raja Ahmad Shah Durrani ko 18th century me de diya. Kohinoor tab Kabul me Durrani pariwaar ke paas kuch saalon tak rahi thi. Issi ke baad British raaj Afghanistan me aayi, aur waha ke raajaon ko bandi bana kar, Britishers ne apni nayi sarkaar banayi. kaha jaata hai jab Durani ke grandson Shah Suja ki haar Muhammad Shah se hui, tab woh Afgan chod kar Lahore aa gaye aur rehne ki jagah dene ke liye, Shah Suja ne gift ke taur pe kohinoor ko, Punjab ke ek maatra Sikh raaja Ranjit Singh ke saamne pesh kiya. Halanki 1849 me jab Raja Ranjit Singh ki maut hui, tab Britishers ne Punjab ko apne kabze me le liya, jiske baad Kohinoor seedhe British Commissioner John Lawrence ke haath me aa gayi. Yaha se Kohinoor British maharaani Victoria ke paas gayi, jisne Kohinoor ka istemaal brooch ke taur pe kiya tha. Wahi jab yeh diamond Britain pahuchi, toh yeh 1851 me huye London ke “Great Exhibition” ki main subject bani thi. Iske baad yeh diamond British Royal Jewellery me shaamil ho gayi. Jab Queen Elizabeth ke papa George king bane the, tab sabse pehli baar Kohinoor ko Elizabeth ki maa ke taaj pe ise lagaya gaya tha. Wahi 2002 me jab Elizabeth ki maa ki maut hui, tab kohinoor lage iss Taj ko unke coffin pe rakha gaya tha.
Kaha yeh bhi jaata hai ki Kohinoor diamond cursed hai. Yaani ki agar iss diamond ko British Raja rakh le toh woh uske liye barbaadi laati hai, lekin wahi agar ise raani rakhe toh woh lucky saabit hoti hai. Jaankaaron ka kehna hai ki India ho ya phir Britain, Kohinoor kayi logon ke liye bad luck laa chuki hai.
Khair, yeh thi aaj ki kahani.
Waise agar hum baat film KGF-3 ki kare, toh ho sakta hai jis tarah se Karnataka ke mine se Kohinoor nikala kuch ussi tarah se iss baar Rocky ko apne hi state me Kolar ke alawa ek aur mine ka pata chale, jo gold ke badle diamond ki mine ho. Wahi jab Rocky ke haath me desh ki do badi mine aa jaayegi toh uska power doguna badh jaayega, jis kaaran Sarkaar Rocky ko maarne ki poori taiyaari karegi. Dekhna yahi hoga ki Rocky kaise apne dushmano se bachte huye duniya ka sabse powerful insaan banta hai.
The End