Kuch logon ki saat pushtein itna nahi kama sakti hain jitna kuch ameeron ke bache apne teenage years mein udha dete hain. Yahan baat ho rahi hai Roger Wang ki beti Dorothy Wang ki. Dorothy Wang ke papa yaa yun kahein uske “super dad” ki net worth hai 4 billion Dollars!
Aagye na aankhon mein sitaare. Roger Wang ek Chinese American businessman hain jinhone bahut naam kamaya hai, aur Dorothy hamesha se unki bigdi hui beti rahi hai. Expensive cars mein ghumna, Versace, Chanel, Gucci jaise brands ke kapde pehn na, aur Jimmy Choo ke joote toh hamesha se hi uske favorite rahe hain. Roger ne apni beti ko kisi bhi cheez ki kami nahi hone di hai. Dorothy Wang bhi Morgan Stewart ke jaise America ke famous show “Rich Kids of Beverly Hills” ka hissa reh chukki hai. Iss show mein naa sirf Morgan ki magar Dorothy ki bhi lifestyle dikhayi gayi hai. Bade bade stores mein ghumna, cars mein drives par jana aur kisi bhi dusre desh mein jaane ke liye apna private jet use karna toh inn dono ke liye mamuli baat hai. Aise mein Dorothy ne bahut kam umar mein hi apni zindagi puri tarike se jeene ke liye ek alag ghar actually, ek alag mansion mein shift le liya tha.
Woh apne teenage years mein hi life ko full apne rules ke saath jeena chahti thi, isi liye usne apne maa baap ka ghar chod kar, alag ghar ko banwaya aur usmein rehne lagi. Iss ghar ki kimat million dollars mein thi aur Dorothy ke pita ne usse yeh uske birthday par hi gift kardiya tha. Dorothy ne iss ghar mein naa sirf rehne ka decision liya balki usne iss ghar mein apne “expensive luxury bags” ka display bhi karna start kardiya tha. Woh ek pura section ghar ka apne inhein expensive bags se Bharti rehti thi, jo ki pure America mein famous hogaya tha. Kayin vloggers, journalists aakar Dorothy se uske inn bags ki kimat puchte the aur unn par documentaries banate the.
Kayin baar iss ghar mein Morgan aur uske dost bhi aate the, aur kaafi samay tak Dorothy ke ghar mein “Rich kids of Beverly Hills” show ki shooting bhi hoti thi. Yahan yeh dono dost kuch gossip karte hue, aur latest fashion trends aur styles discuss karte hue dikhte the, jisse yeh dono ladhkiyan hi kaafi famous hogayi thi!
Toh bus Housefull 5 mein Akshay aur Ritiesh inhein 2 doston ko patate hue dikh sakte hain. Dono ameer hain aur dono khoobsurat toh yeh plot toh hamesha se hi Housefull ki franchise ka base raha hai. Toh bus dekhna hoga ki kaun hongi yeh reel-life Morgan aur Dorothy!
-By Pratima Ratwani.
