Eva hamesha se hi secretive rahi hai. Kam bolne waali, ghar mein rehne wali aur toh aur parties bhi miss karne wali Eva, kab khooni ban gayi kisi ko pata hi nahi chala!
Darsal kuch din pehle hi Eva ka uski maa ke saath jaghdha hua tha. Uski uski maa ke saath kuch khaas banti nahi thi. Uski maa ka extra martial affair tha, jiski wajah se Eva ki happy family tut gayi thi. By chance Eva ki custody mili bhi uski maa ko thi, magar Eva kuch khaas pasand nahi karti thi unhein. Dono bahut hi kam baat kiya karte the, aur toh aur Eva mostly bhaar se hi khaana khakar ghar aya karti thi. Kab woh aati thi aur kab jaati thi, uski maa ko pata hi nahi chalta tha.
Abb agar jaayedaat ki maane toh Eva ke mummy aur papa dono hi ameer the. Bhale hi personal life mein dono unsuccessful rahe hon lekin professional life mein dono hi successful the. Dono ke paas khoob paisa tha aur Eva ikloti beti thi. Toh dono ka paisa milna toh usse hi tha. Eva ka ek boyfriend bhi tha Josh. Abb Eva ka boyfriend usse pyaar toh karta tha, magar yeh baat uska best friend janta tha ki usse asliyat mein paise se matlab hai. Aise mein woh Eva ko bahut pasand karta tha aur aisi ladhki jo sundar ho aur uske paas paise bhi hon, usse Josh kaise hi jaane deta.
Abb ek din Eva aur Josh ghar par laute the. Eva haste haste andar ghusi thi, jab uski maa ne usse dekh liya. Woh casually apni beti se Josh ke baare puch rahi thi aur Eva saare jawaab tedhe de rahi thi. Woh Josh ko iss jhamele mein nahi ghaseetna chahti thi, isi liye usne apni mummy ko dur rehne ke liye kaha. Yeh dono seedhiyon ke paas khade hokar baat kar hi rahe the, jab Eva ne uski mummy ko side mein dhaka diya taaki woh saamne se hatt jaaye. Magar uski maa ka paon phisla aur woh neeche gir gayi!
Phir kya hona tha. Itni zor se girne ke baad Eva ki mummy ki maut hogayi.
Abb kya karti Eva?
Josh Eva ko jaane nahi de sakta tha isi liye unhone laash ko thikaane lagana zaroori samjha.
“Thak, thak. Thak, thak”
Darwaaze par Eva ki mummy ka boyfriend tha. Unhein aab laash bina notice mein aaye, ghar mein hi chupaani padhi. Eva ne laash ko turant hi fridge mein chupaane ka decision liya.
Kya hoga abb?
Kya Josh madat karega Eva ki?
Kya yeh raaz khul paayega?
Toh bus tyaar hojayiye aise Golmaal ke liye Housefull 5 mein. BTown ki badi actress play karengi ameer Eva ka role, aur hamare Khiladi kumar karenge unhein madat! Kya pata iss laash ko thikaane lagane ke liye Akshay Ritiesh ko bhi bulayein. Jo bhi hoga, hoga toh comedy ke tadhke ke saath.
-By Pratima Ratwani.
