KGF-3 ki kahani me ho sakta hai ki hume kuch aise powerful antagonist nazar aaye, jo Rocky pe bhaari padne ke liye kaafi ho. Film ka antagonist aisa hoga, jisne kayi tarah ki badi-badi ghatnao ko anjaam diya hoga. unme se ek president ka murder bhi shaamil hai. Ji haa! Ek aisa antagonist, jo America jaise taakatwar desh ke President ko maar daalega. par iske peeche uski kya intention rahi hogi? Chaliye pure maamle ko samjh kar, iska khulasa karte hai.
America ke itihaas me “JFK” ya “John F. Kennedy” ko sabse jyada popular president maana jaata hai. Par itne bade president ko aakhir kisi ne kyun maara hoga? Aayiye jaante hai.
1963 ke autumn season ke dauran, president Kennedy aur unke advisors, apne agle campaign ki taiyaari kar rahe the. Halanki Kennedy ne election me apne umidwaari ki official ghoshna bhale naa ki ho, lekin phir bhi woh apni jeet ko lekar befikr nazar aa rahe the. September ke mahine me Kennedy ne West America ka rukh kiya. Aur waha 1 hi hafte ke andar, 9 states me unhone apna bhaashan diya. Iske 1 mahine baad Kennedy ne Boston aur Philadelphia me bhi Democratic sabhaon ko address kiya. Phir 12 November ko Kennedy ne, apne aane waale saal ke election ko lekar ek planning session organize ki, jisme unhone Florida aur Texas me apni jeet aur uske importance pe jor diya. Kennedy ne kaha tha ki woh aane waale do hafton me dono states ka rukh karenge. Texas ke daure pe Kennedy ke saath, unki wife Jackie Kennedy bhi jaane waali thi. 21 November 1963 ko president aur first Lady, Texas ke 5 seharon ke do din ke daure ke liye, Air Force-One se rawana huye. President Kennedy jaante the, ki Texas me party ke netaon ke beech ek jhagda, Texas me unki jeet ko khatre me daal sakta hai. Kennedy ke Texas jaane ka yeh bhi ek kaaran tha, taaki woh apne party ke logon ke beech sulah karwa sake. Kennedy yeh bhi jaante the ki kuch extremists group ke log, unke party me tanaav paida jar sakte hai. kyunki ek mahine pehle hi US ambassador jab Texas ke Dallas me bhashan de rahe the, toh extremists ne upne physically attack kiya tha.
Kennedy ka pehla stop San Antonio tha aur phir Forth Worth. Inn jagahon pe apna bhaashan de dene ke baad, Kennedy ne logon ke beech apni pakar mazboot ki. Forth worth se bhaashan dekar Kennday, First Lady aur unke sahyogi, 13 min ke flight ka safar kar Dallas pahuche. Kennedy aur Jackie “love field Airport” pe utare aur waha pe jami logon ki bheed se haath milaya. First Lady ko kisi ne red rose ka bouquet diya tha,woh apne limousine me saath le aayi. Wahi governor John aur unki wife Nellie, pehle se hi open limousine me baithe huye the. Kennedys bhi aaye aur gaadi pe baith gaye. Ab baarish hona bhi band ho chuki thi. Kennedy ke gaadi ke just peeche 1 aur gaadi thi, jisme Vice president aur unki wife, baithe huye the. Iske baad gaadi ne Airport chod diya aur 10 miles ki yaatra ki, jo Dallas ke main area se hote huye Trade Mart tak jaane waali thi, jaha pe Kennedy ruk kar lunch karne waale the. Beech sadak, aur dono taraf bheed ne Kennedy ki yod apna haath wave kiya. Bheed Kennedys ko dekh kaafi jyada excited thi. दोपहर kareeb 12:30 baje “Delay Plaza” se car main road pe mood gayi. Car “Texas School Book Depository” se guzar hi rahi thi ki achanak “Delay palza” me goliyon ki awaaz sunayi di. Goliyan President ke neck aur sir pe lagi aur woh Jackie ki yod gir gaye. Governor ko peeche se goli lagi. Gaadi tezi se “Parkland Memorial Hospital” ki yod badhi, lekin President ko bachana mushkil tha. Catholic priest ko Kennedy ke last rites ko pura karne ke liye bulaya gaya. Christianity me last rites unhe di jaati hai, jo jald hi marne waale hote hai. दोपहर ke kareeb 1:00 baje Kennedy ko “dead” ghoshit kar diya gaya. Wahi गंभीर रूप से घायल Governor ki recovery possible thi. Iske baad President ki body ko “Love Field Airport” le jaaya gaya, jaha se unhe Air Force-One ki plane se White House rawana kiya gaya. Ghatna ke ek hi 1 ghante baad “Lee Harvey Oswald” ko giraftaar kar liya gaya. Harvey ne kuch hi wakt pehle “Texas School Book Depository” me kaam karna shuru kiya tha. Oswald ko goli chalane aur President ki hatya ka aaropi banaya gaya. 24 November ki subah ko Oswald ko Police, headquarter se County jail le jaa rahi thi. Pura America TV pe live coverage dekh raha tha. Ussi beech ek aadmi ke haath me pistol ko dekh log chaunk gaye. Uss aadmi ne pistol ko taana aur seedhe Oswald pe fire kar diya. Oswald ko “Parkland Memorial Hospital” le jaaya gaya, jaha 2 ghante ke andar hi uski maut ho gayi. Oswald ko maarne waale aadmi ka naam “Jack Ruby” tha. Ussi din Ameriki jhande me lipte huye Kennedy ke casket ko White House se nikaal kar, Washington D.C ke main ilaake me logon ke beech laaya gaya. Kennedy ki body ko Rotunda me pure 21 ghante ke liye rakha gaya taaki log Kennedy ko apni aakhiri respect de sake. Kareeb 2 lak 50 hazaar ke aas-paas logon ne uss din Kennedy ko apni aakhiri respect pay ki thi. Baat agar Rotunda ki kare, toh yeh U.S.A ke capitol, Washington D.C ke center me sith Domed-circular kamra hai aur ise hi “Rotunda” kehte hai.
25 November ko Kennedy ko pure respect ke saath alvida keh diya gaya. Kennedy ke 3 saal ke bete “JFK Jr.” ne bhi apne pita ko aakhiri baar salute kiya. Ajeeb baat yeh rahi ki “JFK Jr.” ke 3rd birthday ke din hi unke pita JFK ko puri duniya ne alvida kaha tha. Iske alawa Kennedy ki 6 saal ki beti bhi apni Maa Jackie ke saath maujood thi.
Toh darshakon yeh toh thi sirf Kennedy ke assassination ki kahani. Lekin aage hume aur bhi raaz se parda uthana hai, jo yeh batayega ki aakhir President ko kyun nishana banaya gaya? Aur Jack Ruby kon tha? Kyun usne Oswald ko maara? Aur kya kisi political dushman ne JFK ko maara tha? Bilkul nahi! Yeh kahani politics se nahi, balki Underworlds aur president ke dark secrets se joodi hai aur who kaise, yeh hum aapko aage batayenge. Toh bane rahiye humare saath iss blog pe jiska naam hai Bollygrad studioz.
