Baat hai corona ke mahamari ke waqt ki jab puri duniya iss corona bimari se khud ko bachane mein lage huye the toh uss waqt kuch desh ke smuggler apne dhandhe ko phailane mein lage huye the. Hum sab jaante hai ki duniya mein gold har desh ke log istemaal karte hain lekin sabse jada China aur uske baad India ke log iska istemaal jada karte hai, lekin corona mahamari ke waqt aisa hua tha ki smugglers ko laga tha yahi wo samaye hai jab wo aache se apne kaam ko anjaam de sakhte hai. Pahele desh mein gold ki sabse jyada Smuggling middle East se hoti thi lekin ab isme sabse aage Myanmar ka naam nikal kar aata hai. India mein gold ki sabse jada smuggling Myanmar se hoti hai aur saal 2021-2022 mein Direct of Revenue intelligence ne smuggling ke jariye india mein laya gaya tha jitna bhi gold usse pakad liya gaya tha jisme 37% sona Myanmar se India aaya tha. Desh mein pakde gaye illegal gold mein se 20% gold middle East yaani khaadee desho se aaya tha wo bhi Smuggling ke jariye jab India laya ja raha tha toh unn mein kuch gold Bangladesh ke raste se bhi India aaya tha. Saal 2021 se 2022 smuggling in india report ke mutabik corona kaal mein desh mein gold ki smuggling ke maamle badhe hai, pichley saal Smuggling ke total 160 maamle pakde gaye the jinme total 833.07 kilogram gold padka gaya tha jiska kimat 505.35 crore rupay hai. Uss saal jitna bhi gold pakda gaya tha wo sara ka sara Myanmar se aa raha tha, iss wajah se iss baar Smuggling karne ka ek naya trend saamne aaya tha jisme smuggler courier ke jariye gold ki smuggling kar rahe the aur iski badi wajah yeh thi ki corona kaal mein international flights band thi aur logo ka videsh aana jaana bhi band tha jiske wajah se unke paas sirf ek courier ka hi option tha. Corona kaal mein air traffic band hone se jameen ke raste gold ki smuggling badhi thi isme se adhikansh gold Myanmar ke raste hotey huye India aata the. India aur Myanmar ki sima ki nigraani karna bahut muskil hai aur Smuggler issi baat ka faida uthate the. Reports ke mutabik Myanmar sima se lagte Manipur ke taamu-moreh-imphal route aur Mizoram ke jokhatwar route se desh mein gold ki sabse jyada Smuggling ho rahi thi halaaki DRI ne inn routes par nigraani badha di hai jisse badi matra mein gold pakda jaata hai. Reports ke mutabik corona kaal mein kai logo ko naukari gawani padi thi khaaskar khaadee desho mein unorganised aur kam salary wale sector mein kaam karne waale India ke prawasi badi sankhya mein berojagaar ho gaye the . Air traffic shuru hotey hi inme se kai logo ne swades ka rukh kiya tha aur dalaalo ne iss mauke ka faida uthaya tha. Unhe lalach dekar gold ki Smuggling karai gayi thi kyuki ye gold paste aur powder ke roop mein tha inme se kai log pakde bhi gaye the , unke paas bahut kam matra mein gold pakda gaya tha. Smugglers ne corona aur uske situation ko dhiyan mein rakhte huye unhone naye naye tarike apnaaye the jaise ki agar koi auto parts ka samaan ek desh se dusre desh jaa raha tha toh Smugglers usme golds ko chipa kar bhej diya karte the aur jis desh mein wo gold aa raha hota hai toh waha ka Smuggler pahele se waha ki saari setting karke baith jata tha.
Reports ke mutabik DIR ne vedeshi Smuggler ko pakadne ke liye 19 november saal 2021 ko ek abhiyan chalya tha jisse molten metal naam diya gaya tha. Agency ko information mili thi ki iss kaam mein China, Taiwan aur South Korea ke log bhi shamil hai , ye log hong kong se air cargo route se gold ki Smuggling karte the, gold ko machine ke parts ke roop mein banwa kar laya jaata tha aur phir yaha isse baar mein badalkar market mein becha ja raha tha. Iss aadhar par DRI ne Hong Kong se aai machine ke parts ki ek khep ko pakad li thi jisme gold ki plating ki gayi thi aur uss par nickel ki layer chadhai gayi thi taaki koi usse paihchan na sake. Lekin search operation ke dauraan pata cha ki Chhatarpur aur Gurugram mein Smuggling ke jariye laaye gaye gold se baar banane ka gorakhdhandha chal raha hai. Isme chaar videshi log pakad mein aaye hai. Inme se do South Korea ke aur ek – ek china aur Taiwan ke log the. South Delhi aur Gurugram mein ghar rent par lekar ye kaam ko wo log anjaam de rahe the. Ye log itni safai se ye kaam kar rahe the ki padosiyon ko bhi iski bhanak nhi lag paati thi. Inn logo ke paas se total 85 kg gold baramad kiya gaya jiski keemat 42 crore rupay thi, aur officer ka kehna tha ki iss baar ki Smuggling India mein ho rahi thi aur iske pichey tha videsh taaki jo bhi shaq ho wo India ke logo par hi ho lekin Indian officers ke wajah se ye log pakde gaye aur India ke log iss chiz se bach gaye. Ye kahani ho sakhti hai aane waali movie Pushpa 2 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
