10 July 2021 ko khabar ayi ki Vikas Dubey, tab ka one of the most famous gangsters abb iss duniya mein nahi raha. Hua yun ki Vikas already custody mein tha, aur usse UP wapas lekar aya jaa raha tha. Police ki van mein Vikas ko sabhi security measures ke saath transfer kiya jaa raha tha. Subah ke 11 baje the, aur Police ki van ek sunsaan ilaake se nikal rahi thi.
Vikas Dubey ko sirf 1 yaa 2 nahi balki 5 Policewale lekar jaa rahe the. Vikas ek bahut hi influential gangster tha, isi liye Police koi bhi problem nahi chahti thi. Magar woh din Vikas ka akhiri din hoga yeh sirf uss Police van mein baithe officers hi jaante the. Van kariban 2 baje pahuchne wali thi, magar van se pehle Vikas ki maut ki khabar pahuch gayi.
Khabron ke hisaab se Van ek bade se pathar se ja bhidhi. Iski wajah se van palat gayi, aur Vikas ko mauka mil gaya ek Police officer ki gun lene ka. Vikas ne gun lete hi ek Police officer ko dhar liya, aur baaki 4 Police officers ko side hatne ko kaha. Sabhi Police officers ko chot toh ayi hi thi, magar abb woh apne saathi ki jaan ko lekar bhi darr gaye the. Aise mein jab Vikas bhaagne ki koshish kar raha tha, tab ek Policewale ne uss par nishana sadha aur usse goli mardi. Abb iss baar goli direct aise lagi ki Vikas ki maut hogayi.
Jab aas paas ke log wahan ikhata hue, toh unhone bhi yahi dekha ki van palati hui padhi hai aur Vikas wahin par apni akhiri saas le chuka hai. Magar kya yeh sach hai?
Darsal khabrein ayi thi ki yeh Policewalon ki mili bhaghat hai. Insider ki khabar maane toh kuch din pehle hi Vikas ne apne 5 saathiyon ke saath milkar Police walon par hamla kiya tha. Vikas aur uske gang members chup kar highway par Police ki regular van ka intezaar kar rahe the. Tabhi Policewale aaye aur unn par inhone goliyon se hamla kardiya. Uss attack mein 5 mein se 3 ki maut hogayi aur baaki 2 ko bahut chotein aayi thi. Tabhi Policcewalon ne apne dil mein bitha liya tha ki Vikas se badla lena hai. Abb direct toh badla le nahi sakte the akhir wardi yeh permission toh deti nahi hai. Isi liye log kehne lage ki accident ke cover mein yeh mission complete kiya gaya hai.
Haan saboot saare yahi dikhate hain ki Vikas ki maut apni wajah se hi hui hai, magar andar ki baat toh sab jaante hi hain. Toh bus aisa hi kuch aapko iss baar ki Singham 3 mein dekhne ko mil sakta hai jis mein hamare Singham aisa hi badla lete dikh sakte hain!
-By Pratima Ratwani.
