Kabhi kabhi dil ki baat zubaan par aa jaaye toh kadwa sach nikal aata hai. Chennai mein bhi yahi hua. Srilaxmi naam ki ek ladhki aise hi apna din kaat rahi thi. Srilaxmi ek lawyer thi, magar apni zindagi se woh pareshaan thi. Bahut dino se uska career kuch khaas track par nahi tha, aur usse lag raha tha ki usse dabaya ja raha hai system mein.
Ek din jab woh normal hi apna din bita rahi thi, toh uski apne ek colleague se kaha sunni hogayi. Woh jaanti thi ki kaise India mein mahilaon ki condition mushkil se sudharna shuru hui hai, magar kuch log abhi bhi iss baat ki gravity ko nahi samjh parahe hain. Isi liye usne yeh bhashan dena shuru kiya, jismein usne yeh bataya ki mahilaon ko kaise rakha jata tha purane zamane mein.
“Kya aapko pata bhi hai ki hum par kya beeti hai? Humne jitna jhela hai uska 1 prateeshat bhi agar aapko diya jaaye toh aap ek din saans nahi le paayenge. Aapka mar jaane ka mann karega.”
Iss samay woh itna tez bolne lagi thi ki sabhi apna kaam chodkar Srilaxmi ki baat sun rahe the.
Aage bolte hue usne kaha…
“Arre hum mahilaon ko hamesha apne patiyon ke neeche rakha jata tha. Jaanwar aur hum mein kuch zyada farak nahi tha. Naa woh bol paate the, aur naa hamein bolne diya jata tha. Bus woh 4 paon par chalte the, aur hum mahilayein 2 par. Arre chahe Hindu ho yaa Muslim harr dharam mein hamein number 2 par rakha gaya tha. Angrezon ke samay mein jahan Queen Victoria Rani thi aur sab unke saamne sar jhukate the, wahin Hindu aurton ko aapne pati ke aage sar jhukana padta tha. Aur Muslim! Aree Muslims toh agar ek se bore hojaayein toh dusri aurat ko bhi laa sakte the. Ek patni ko apne pati ko dusri aurat ke saath hone ki sachai ko apna na padhta tha. Aur mard apni biwi par kabhi bhi haath utha sakte the, wahin biwi awaaz uthane ka bhi haq nahi rakhti thi. Aur rani? Rani Victoria uss samy chu nahi karti thi, kyun ki unka kehna tha ki woh “interfere” nahi karengi. Arre angrez at least aurton ko woh izzat toh dete the! Mahilaon ko toh uss izzat ka sapna dekhne ka bhi haq nahi tha. Aur aap kehte hain humne kiya hi kya hai. Aree yeh sab jhelne ke baad bhi seva ki hai”
Itni bold awaaz mein jab Srilaxmi baat kar rahi thi, toh sabhi ko samjh araha tha ki woh kya kehna chahti hai. Aaj ki naari aise hi nahi aage aayi hai, aur yahi baat Srilaxmi uss colleague ko samjhane ke liye anginat examples dene ke liye tyaar thi.
RRRR mein hamein Alia aisa hi bhashan mahilaon ki kya dasha thi uss zamane mein uss par deti hui dikh sakti hain. Akhir unki dialogue delivery zaroor se kuch logon ka dimaag zaroor khol paayegi!
-By Pratima Ratwani.
