Baat hai saal 1960 ke dasak ki jab Daniel Hailey Walcott ka naam sabse jada mashur tha smuggler ki duniya mein. Daniel ka janam 26 November saal 1927 mein Texas ke Dalhart mein hua tha. Daniel ke pita ji ek geologists ke sath sath ek business man bhi thy jinhone unke purey pariwaar ko sambhal rakha tha. . Daniel bachpan se hi akela rehne waalo bacho mein se tha wo hamesha bahut ajeeb react karta tha , wo kabhi khud ko kisi judge ka beta bata ta toh kabhi apne pita ka naam Oliver Walcott bata ta tha jisne US ki independence ki aggreement sign ki thi. Daniel ko apne pita ji ke sath kaam krne mein bahut maja aata tha wo aksar apne pita ji ki madad karta. Daniel ne pilot ki padhai ki thi or second world war ke waqt daniel ne American ki navy join kar li thi or ussi wajah se usse Virginia University mein admission bhi mil gaya tha. Wo itna tez tha ki uski yahi khasiyat usse duniya ki kisi bhi kone mein lekar ja sakhti thi lekin nhi usse apne life mein kuch bada karna tha isliye uss ne bich mein hi apni college ko chor diya tha.

Walcott ne San Francisco ki amir parivaar mein shaadi ki . Unki paheli patni ka naam Patsy Browne tha unhe toh ye tak bhi nhi pata tha ki Daniel kaam kiya karta hai or ghar kaise chalata tha. Shaadi ke 5 saal baad Daniel ne ek Tans Atlantic Airlines naam ki company ki shuruaat ki jisme wo refugees logo ko ek jagah se dusre jagah le jaata yaha tak ki wo US ke exotic janwar ko bhi idhar se udhar leta jiske kaaran usne apna naya rasta banaya smuggling karne ka. Ussne dheere dheere apne paau pasare or ab India mein bhi wo smuggling krna shuru kar diya or baat hai saal 1962 ki Daniel ke trans Atlantic Airlines ne India ke Air India se ek contract jeeta tha jisme uska plane India ke railway hubs se afganistan or afganistan se India wapas lene jaane ke liye Cargos ko uddwa raha tha. Daniel, India ko apna temporary ghar bana liya tha or kb mann karta wo yaha aata or India mein rehta or hamesha apne Piper Apache mein ghumte rehta tha. Iss bich Daniel par ye aarop lagta hai ki usne India ke princely states ko cartridges becha tha. 20 September ke baad se Daniel ka rasta clear hone laga kiu ki ussi din Delhi ke ek Ashok hotel mein police waalo ne ek couple ke kamre mein dhaba bol diya or waha chaan been shuru hui toh pata chala ki unke paas 766 simple guns or 2 cartridges miley thy or ussi raat Safdarjung Airport par Daniel ke plane mein police waalo ko 40 dibe mein 250 -20 cartridges miley thy. Aakhir kaar Daniel ko smuggling or arms act ko thode ke liye usko jail bhej diya gaya tha, usse Delhi ke ek sub-divisional magistrate , NL Kakkar ke saamne pesh kiya gaya tha. Daniel par smuggling ka aarop laga or usse tihaad jail bhej diya gaya sath hi sath uske plane ko bhi impounded kar diya gaya tha.

23 October ko usse bail mil gayi lekin wo chup rehne waalo mein se nhi tha, wo ab nayi plan bana ne ke liye Wagah border se bhagne ki koshish kar tha lekin issme bhi wo pakda gaya or usse phir se sunn wai ke liye bheja gaya tha. Ab Daniel ko kuch samjh nhi aa raha tha ki aage kya kiya jaaye toh usse pata chala ki India or China ke bich uss waqt war ho raha hai toh Daniel ke magistrate ke saamne ek offer rakha. Usne unko bola ki agar wo Daniel ki saja kam kar denge toh war mein apni planes dega taki India waale war jeet sake. Ye suun kar bharat sarkaar maan bhi gayi or Daniel ko bail bhi de diya gaya lekin usse desh se bahar jaane ki ijazat nhi thi kiu ki usne Tata group ki legal team uske piche padi thi kiu ki Daniel ne unke company ko 60 thousand ka chuna lagaya tha. Finally Daniel ab jail ke bahar tha or kisi bhi haal mein usse apna desh wapas jana tha toh usne phir ek baar planning shuru jar di . Usne magistrate se permission liya ki wo roj safdarjung jaayega apna plane start karega or wapas aa jaayega taki uski plane band rakhe rakhe kharaab na ho jaaye. Daniel ne kai dino tak aisa hi kiya wo roj ek constable ke sath jata plane on krta phir band karke wapas aa jata, aise karte karte ussne constable ka bharosa jeet liya. Phir 23 September saal 1963 mein wo plane on karte hi usse run way pe dauda diya. Jab wo tihaad jail ke upar se paar ho raha tha tab usne plane se Cigarettes or Chocolates or baaki saare saaman ki barish krne laga or India se bhaag kar Pakistan border ke paas pahunch gaya. Deri ho jaane ke kaaran India ke airforce officers usse pakad nhi paaye or wo bhaagne mein kaam yaab ho gaya.

Saal 1964 mein Daniel phir wapas aaya lekin or nikal bhi gaya officers ke aankho mein dhul jhok kar. Daniel iss baar apna naam caption Peter John Filbi rakh kar aaya tha or iss baar wo akela nhi tha wo apne ek dost ke sath bhi aaya tha jiska naam Caption McLister tha , dono ke paas bahut hi kimti Swiss ki 675 ghadiya thi. Uska maksad India aane ka nhi tha uska plane crash kar gaya tha isliye wo India mein land kiya, warna usse Pakistan se Iran jaana tha. Jab officers usse pakde toh usne bataya ki wo Amritsar se aa raha hai or apna raasta bhul gaya tha ussne itna kehte hi waha se sabke aanko mein dhul jhok kar chala gaya, phir apni passport banwai or waha se Pakistan or Pakistan se wapas London chala gaya. Lekin bich raste mein apne kaam ko lekar McLister ko dar lagne laga or usne Daniel ka sath chor diya or dusri jagah se Landon jaane laga phir usne Interpol se Indian officers tak information bhejwa di ki jo captain Peter John baan kar aaya tha wo koi or nhi Daniel hi tha . Police waalo ne itna sunte hi McLister ko hirasat mein liya or uss se puch tach suru hui. Police waalo ne Daniel ki photo har jagah circulate karwa di magar iska bhi koi faida nhi hua or Daniel bhaagne mein kaamyaab raha.

Daniel iske baad bhi smuggling karta raha. Wo lagataar do baar Indian officers ke aankho mein dhul jhok chuka tha or iss se wo over confidence se bhar gaya tha. Saal 1966 mein jab wo Srilanka aaya tha diamonds ke smuggling ke liye toh wo iss waqt bach nhi paya. Usse fauran giraftaar kiya gaya or usse iss baar 7 saal ki saja sunai gayi. Daniel ke court se appeal ki taki uski saja kam ho jaaye magar court ne isse saaf inkaar kar diya. Daniel jail mein sabse kehta tha ki wo ek CIA agent hai or unhi ke liye kaam bhi karta tha. Jab ye baat CIA ko pata chali toh unhone ye fauran ye baat jhutla di or aakhir kaar Daniel ko apni saja puri karni hi padi. Jail se chutne ke baad wo wapas London jakar drugs ka kaam shuru jar diya isski ye kaam aachi hi chal rahi thi ki saal 2000 mein Daniel ko goli maar kar iski murder kar di gayi. Toh kaisi lagi aapko ye story jo Pushpa 2 ki kahani ho sakti hai. comment karke jarur bataiyega or tab tak ke liye hamesha muskurate rahiye or meri kahani padhte rahiye…..

Chandan Pandit