Aashiqui movie ki khasiyat 90s ke logo ke alawa koi dusra nhi bata sakhta hai. Jitna ye movie apne script se mashur hua utna hi inn sabke cast se bhi, iss movie mein kai saari aisi chize thi jo aam janta tak pahuch hi nhi paayi sabko yahi lagta rah gaya ki bas ye movie hi sab kuch thi. Lekin kehte hai na Jo dikhta hai wo hota nhi hai aur jo hota hai wo dikhta nhi hai . Mai aapko apne baaton se jada confuse nhi karte huye direct point par aata hu aur jo kahani aap tak nhi pahuchi hai usse batane ki koshish karta hu.
Anu Agarwal Inka janam 11 January Saal 1969 mein Delhi mein hua tha. Inhone apni padhai bhi Delhi se hi ki hai aur yaha tak ki ye Delhi University se Sociology mein gold medalist bhi rah chuki hai, inko starting se hi modeling ka kaafi shouk raha aur apni padhai puri krne ke baad ye modling mein try karne lagi tabhi Anu ko doordarshan mein aane waali serial Isi Bahane (1988) se mein kaam krne ka mauka mila lekin wo serial tha toh ussme inko jada pehchan nhi mili, inko pehchan mili inki paheli film Aashiqui se jo saal 1990 mein aayi thi. Lekin ye movie bhi inko bahut muskilo ke baad mili thi. Anu ko model banne ka shauk toh tha hi lekin wo kabhi aisa kuch life mein nhi karna chahti thi jisse unko ya unke taraf se kisi ki bhi feelings hurt ho. Mahesh bhatt unn dino Aashiqui ki script complete karne ke baad apne uss movie ke liye cast ki talash kar rahe the, bhatt ji chahte the ki iss baar bhi unki movie se new star hi launch ho lekin jab unhone story complete kar li toh sabse pahele female lead role ke liye apni beti Pooja Bhatt ko lene ki sochi, jab unhone ye baat Pooja se puchi toh pooja ne saaf inkar kar diya tha. Mahesh bhatt iss movie se kuch jada hi attached the wo nhi chahte the ki movie kisi bhi angle se buri lage kyuki ye movie kahi na kahi unke real love life se juddi hui thi. Unhone kuch points apne hi love life se usme add kar di thi aur sayad yahi wo reason thi ki Pooja ne ye movie karne se inkaar kar diya tha. Ab bhatt ji ko kuch samajh nhi aa raha tha ki kya kiya jaaye unhone kaafi actress ke audition bhi liye lekin unke hisaab se abhi koi bhi uss role par fit nhi baith raha tha. Unn dino tv par aa rahi serial Isi Bahane mein acting karte huye Mahesh bhatt ki najar Anu Agarwal par padi unhone mann hi mann mein thaan liya ki film Anu Agarwal ke sath hi banengi.
Ek din aisa hua ki jis hotel mein shoot khatam hotey hi Anu lunch karne gayi thi ussi hotel mein waha pahele se Mahesh bhatt maujud the, unn dono ne ek dusre ko dekha ruk kar baatein ki aur Mahesh bhatt ne apni dil ki baat Anu se keh di ki wo Anu ko apne aane waali movie mein cast karna chahte hai. Ye suntey hi Anu ne fauran mana kar diya aur boli ki mujhe filmo mein kaam karne ka koi shauk nhi hai aur waise bhi ab ho sake toh wo Mumbai hamesha ke liye chor kar chali jaayengi, itna suntey hi dono ne ek dusre ko bye bola aur apne apne raste chal diye. Pata nhi kiu lekin aisa kiya dekh liya tha Bhatt ji ne Anu ke andar jo unhone jid thaan li thi ki Aashiqui movie banengi toh Anu Agarwal ko lead actress roop mein lekar warna nhi banengi. Jaisa ki Anu ne pahele hi bol diya tha ki wo mumbai chor kar jaane waali hai , jab wo apne ghar se nikal rahi thi ussi bich Bhatt ji ka ek letter aaya uss letter mein Bhatt ji ne apni usme ek last umeed lagakar bheji thi, jaise hi Anu ne uss letter ko padha usne socha ki Bhatt ji mujh par agar itna trust kar rahe hai toh kiu na unke iss trust par yahin kiya jaaye aur itna sochte hi Anu ne movie ke liye haan bol di. Anu ne haan bolne se pahele apni sharte Bhatt ji ko batayi aur bola ki agar unko ye saari shartein manjur hongi tabhi wo movie mein kaam karengi. Bhatt ji ne unki saari shartein maan li aur finally shooting shuru hui, jab movie realese hui toh blockbuster sabit hui aur iske zemedaar kahi na kahi Mahesh bhatt ki zid thi.
Movie realese hotey hi rato rato Anu Agarwal aur Rahul roy cha gaye ab log ya toh unhe ghar ke nichey unka intezaar kiya karte ya unke jaisi nakal karne ki koshish karte the. Ab jab dono mashur ho gaye toh dono ke paas movie ki line lagne shuru ho gayi. Anu ne toh phir bhi gin chunn kar movies ko sign kiya lekin Rahul Roy ne bina soche samjhe 44 ki 44 movies ko sign kar li aur shooting bhi start kar di. Junoon ki shooting ke duraan ye khabar aai thi ki Pooja Bhatt aur Rahul Roy ek dusre ko date kar rahe the aur dono ne ye baat sab se chupa kar rakhi thi. Lekin jab Rahul Roy ko unki sachi Mohabbat mili toh unhone unke sath hi apni saari jeevan sath bitaane ki sochi aur Rahul apni kaamo ko jada mehtwa diya karte thy jab unhone itni saari movie ek sath sign ki toh unko timming ko lekar dikaat hone lagi aur akhir kaar unhone time mange karli, saari movies ki shooting bhi complete ho gayi. Lekin sayad yaha Rahul Roy ne chuk kar di thi unhone aanan fanan mein bina soche samjhe saari movies sign kar li lekin unki 44 movies mein ek do movie hi aisi thi jo hit hui thi warna baaki saari movies ya toh kisi kaaran ruk gayi thi ya band ho gayi thi, iske baad rahul roy ki career jaise maano ruk si gayi. Saal 2013 mein Aashiqui 2 aai iss waqt bhi Mahesh bhatt ko naye chehro ki talaash thi aur unko naye chehro mein Shraddha Kapoor aur Aditya roy Kapoor miley the unhone iss baar bhi blockbuster movie di aur iss baar bhi Aashiqui ki tarah iss movie ki bhi songs hit hui. Lekin movie release ho jaane ke baad dono ko fame milne ke sath sath kai saari movies bhi mili lekin sayad lagta hai Aashiqui movie ke male actors ko koi abhishaap mila hua hai Aashiqui aur Aashiqui 2 lead actors ko . Inn dono ke sath waisa hi kuch hua Aashiqui movie ke baad, ye dono jada kuch khaas kar nhi paaye aur 2-3 movie se hi inka career down hota chala gaya.
Abhi saare ke saare actors apni apni life mein busy hai , jaha Rahul Roy apne family ke sath waqt de rahe hai toh wahi Anu Agarwal saal 1997 mein hi Bihar ke Yoga school mein yoga sikha rahi thi aur wo wahi as Karmayogi bann kar rah rahi thi. Jab 1999 mein wo mumbai wapas aai thi toh unhone decide kiya hua tha ki wo apna saara saamaan pack karke mumbai se chali jaayengi. Jiss waqt wo ja rahi thi ussi dauran Anu Agarwal ka bahut bada accident ho gaya jisme mein wo 29 dino ke liye comma mein chali gayi thi. Lekin bahut muskil se unhone khud ko thik kiya aur decide kiya ki ab wo khud ko monk bana lengi aur sirf meditation par dhiyan dengi. Anu abhi single hi hai aur mumbai mein akele rehti hai inhone shaadi bhi nhi ki. Abhi haal hi ke ek interview mein inhone bataya tha ki agar mann shant rakhna ho toh sirf meditation kigiye aur khud ko aacha feel karate rahiye. Anu Agarwal ek motivational TED features ki speaker hai aur life se related ho ya environment se related saare kaamo ki wo foundation chalati hai. Haal hi mein hui Indian idol mein Aashiqui ke saare cast and crew ko invite kiya gaya tha lekin Anu ko unhone out of frame kar diya tha jisse Anu unse naraj hai aur ye baat unhone post karke batayi bhi hai ki unhone galti kar di show par ja kar.
Makers filhaal busy hai Aashiqui 3 ki script aur cast ko complete karne mein unhone male lead cast ko chuun liya hai jo ki Kartik Aaryan hai unka kehna hai ki script bhi ready hai bas intezaar hai toh unko female lead cast ki uske miltey hi shooting shuru ho jaayegi aur jald se jald release bhi hogi. Aashiqui movie jab bhi aayi hai experiment ke sath aai hai aur sayad yahi soch kar makers ne Kartik Aaryan ko final kiya hai kyuki bhool bhulaiya 2 jaisi movie ko akele Kartik Aaryan ne hi hit karwaya tha toh makers ne yahi sab dhiyan mein rakhte huye Kartik ko final kiya hai. Ab toh bas intezaar hai ki female lead cast miley aur movie release ho. Aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
