Ek physician aur chemist hone ke baad bhi Bancroft ne chuni double agent waali zindagi. Bancroft ka janam 20 January saal 1745 ko Westfield, Massachusetts mein hua tha, jab Bancroft do saal ke the tab unke pita ki mirgi ke daure se mrityu ho gayi aur unki maa ne 5 saal baad Connecticut ke David bull se dubara Shaadi kar li thi. Waha Bancroft ne ek school master Silas Deane ke adheen study kiya, jo baad mein ek important rajnitigya aur diplomatic bane jinke sath unhone Paris mein kaam bhi kiya tha. 16 saal ki umar mein Bancroft ko killingworthr, Connecticut mein ek doctor ke paas bheja gaya lekin kuch saalo ke baad wo bhaag gaye. 14 July saal 1763 ko apni apprenticeship se bhaagne ke baad Bancroft new england se Dutch Guiana ki chini utpaadak colonies ke liye rawana ho gaye jaha wo ek plantation ke doctor bann gaye the. Unhone jald hi kai tree planting ke liye apne practice ka vistaar kiya aur local environment par padhai bhi ki. Surinam and Essequibo mein uske aaspaas Dutch colonists duwara live eels par pahle se hi kiye ja rahe experiment ke avalokan ke aadhar par Bancroft ne conclusion nikala ki America eel aur torpedo fish ne apne shikaar ko achet karne ke liye bijli ka nirvahan kiya, bajaye iske ki pahele se tarq diya gaya tha. Halaaki unhone saal 1766 mein south America chhod diya unhone saal 1769 mein London, south America aur Guiana ke natural history par ek essay published Kiya tha, jaha Benjamin Franklin ke protsaahan ke sath unhone ek saahityakaar ke roop mein career shuru kiya tha. Bancroft ne baad mein dutch Guiana mein apne kaam ke aadhar par rango ke chemistry ke baare mein bade paimaane par likha.
Saal 1771 mein Bancroft ne ek prominent Catholic ki beti Penelope Fellows jiski umar 22 saal thi usse shaadi ki aur unka pahele beta saal 1772 mein hua tha, Bancroft ke total 7 bache the . Bancroft ko saal 1773 mein natural history aur chemistry mein paarangat ek sajjan aur Guiana ke natural history ke author ke roop mein royal society ke member chune gaye the. Saal 1773 ki garmiyon mein Bancroft London ki medical society mein shamil ho gaye the aur halaaki unko saal 1774 mein University of Aberdeen se M.D. nhi mili thi. Bancroft ne Franklin aur Deane ke liye kaam kiya tha lekin wo American indipendence ke prati udaas the aur britain ke khilaaf ek French war ki possibilities ne unhe pareshan kar diya tha. Deane se apne waade ke wabjud unhe aisa kuch bhi karne mein aapatti thi jo britain aur American colonies ke bich daraar ko badhawa de sakhta tha. London mein unki mulakaat Paul Wentworth se hui jinhe haal hi mein British secret service duwara bharti kiya gaya tha. Wentworth ne Bancroft ke liye secret service ke pramukh William Eden aur lords suffolk aur Weymouth se milne ke liye taiyaar ho gaye. Kuch dino baad 14 August saal 1776 ko Bancroft ne 9 page ki report taiyaar ki jisme vistaar se bataya gaya tha ki Deane France pahuchne ke baad se kya haasil kar paaye the. February saal 1777 ki shuruaat mein Bancroft ne John the Painter se mulaakat ki jab wo London ki jail mein band tha. Iske turant baad Franklin france ke sath conversation ko sambhalne ke liye pahuche the. Bancroft ko khud ko Franklin ke sath relate karne ka order diya gaya tha. Luckily Franklin ne Bancroft ko Paris mein American commission ke secretary ke roop mein appoint kiya gaya tha. 26 March saal 1777 ko Bancroft London se paris ke liye rawana huye jaha do mahine baad unki patni aur bache unke sath shamil the. Unki jasusi ke liye British ne Bancroft ko 200 pounds ki pension dene ka bhi wada kiya tha jo baad mein badhkar 500 aur phir 1000 pounds ho gaya tha. Bancroft ne Franklin aur Deane ko letters aur anya documents ki nakal karke diplomatic correspondence ka French ya English mein translate karke aur repair ki arrangement karke chalak dal ko kaam par rakhne aur french ports mein American jahajo ke liye supply kharidne mein madad ki thi aur iss prakar Bancroft ke paas bahut sensitive jaankaari pahuchi thi jise wo british tak pahuchane mein saksham the. Bancroft ka kehna tha ki saal 1789 mein Deane ne suicide kar liya tha jiske baad Bancroft ne socha ki ab wo inn sab kaamo se duriya banaye ga. War khatam ho jaane ke baad Bancroft ne apni books par jada dhiyan diya aur saal 1784 mein inki patni Penelope ki maut ho gayi thi . Saal 1821 mein jab Bancroft travel kar rahe the toh wo jab Philadelphia pahuche toh unki tabiyat kharab hone se wo wahi mar gaye the. Saal 1891 tak ye baat kisi ke saamne nhi aayi thi ki Bancroft ek double spy agent the. Ye kahani ho sakhti hai aane waali movie Black Tiger ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
