Jab baat judwe logo ki hoti hai tab hamare dimaag mein aksar ye baat aati hai ki Judwa hai toh saari chize same hongi, feelings same hogi yaha tak ki chot ek ko lagegi toh dard dusre ko bhi hoga lekin aisa nhi hota hai. Twins bahut type ke hotey hai koi bilkul identical toh koi conjoined ya koi totally different. Unhi mein se ek ye twins brother the jinka naam Jim Lewis aur Jim Springer hai, inn dono bhaiyon ko kismat ne pahele alag kar diya tha phir ussi kismat ne inhe wapas mila diya tha . Baat hai saal 1940 ki jab Jim Lewis aur Jim Springer ek dusre se alag ho gaye the. Jab inn dono ka janam hua tha toh inke maa baap ke paas paisa nhi hone ke kaaran unhone inn dono bhaiyon ko orphanage mein chhod kar chale gaye the. Jab inko orphanage mein laya gaya toh inn dono bhaiyon ko 2 hafte ke andar do alag alag family ne adopt kar liya tha jiske baad wo dono bhai hamesha ke liye alag ho gaye the ek dusre se. Wo kabhi nhi jaante the ki wo twins hai lekin kismat ne unhe ek din aamne saamne lakar khada kar diya tha. Lekin kismat ka khel dekhiye ki wo ek dusre se jada dur nhi the sirf 40 miles dur the. Unn dono bhaiyon ko ek jaisi parwarish mili yaha tak ki unn dono bhaiyon mein sab chiz common tha phir chahe wo padhai ko lekar ya kisi pet ke naam rakhne ko lekar. Jim Lewis ko maths bahut pasand tha toh wahi Jim Springer ko maths bahut pasand tha , unn dono ne ek pet dog rakha aur kismat dekhiye unn dono ne uss pet ka naam Toy hi rakha. Ab jab dono bhai bade hone lage toh unhone apni apni padhai puri ki aur apne life mein settle hone ki taiyaari mein lag gaye. Iss baar bhi maano ek magic sa hi kuch hua unn dono ne alag alag ladkiyon se Shaadi ki lekin unki kismat dekhiye unn dono ladkiyon ka naam Linda tha. Kuch waqt tak unn chaaro ke bich sab sahi tha wo apne married life se bahut khush the lekin kuch saalo ke baad unn chaaro mein kuch aisa hua ki unn chaaro ne divorce ke liya aur wo separate ho gaye. Ab jab Jim Lewis aur Jim Springer dono single the toh unhone phir se shaadi karne ki sochi aur iss baar bhi wahi hua jo pichley baar hua tha iss baar bhi unn dono bhaiyon ne ussi di alag alag lady se shaadi ki jnka naam Betty tha. Kuch saalo baad Jim Lewis aur Jim Springer pita banne aur unndono ko beta hua aur jiske baad kismat ne phir se wahi chiz kaarwai aur Lewis ne apne pahele bete ka naam James Allan rakha toh wahi Springer ne apne pahele bete ka naam James Alan rakha.
Ek din jab kisi kaam se Lewis, Springer ki ghar taraf aaye toh unhone Springer ko dekha pahele toh unko biswas nhi hua phir baad mein jab Lewis, Springer se baat karne gaye toh unko laga sayad ye inke hamshakal hai lekin jab baatein start hui toh pata chala ki dono bhai apne apne parents ke adopted bete the toh unn dono ne faisla liya ki wo iske baare mein apne parents se baat karenge, baat karne par unke parents ne bataya ki unko kis orphanage se adopt Kiya gaya tha, toh wo dono bhai waha pahuch gaye aur waha jaate hi unki sachai unke saamne thi. Orphanage ke care taker ne batayaa ki saal 1940 mein unke real parents unhe yaha chhod gaye the aur wo dono twins bhai hai na ki Humsakal. Uske baad kiya tha dono bhaiyon ki face ki smile ruk hi nhi rahi thi kyuki wo dono ek dusre se 39 saal ke baad jo mil rahe the. Unhone ek dusre se wo har baat share ki jo jo unke sath unn 39 saalo mein hua tha. Jab ye baat media mein aai toh kisi ko bhi iss par biswas nhi ho raha tha. Ek interview mein unn dono bhaiyon ne bataya tha ki unki almost har chiz same hai kabhi kabhi toh inke sath aisa hota hai ki agar Lewis koi baat start karta hai toh usse Springer khatam karta hai aur abhi wo dono apni iss life se behad khush bhi hai. Ye kahani ho sakhti hai aane waali movie Judwaa 3 ki, aapko ye story kaisi lagi comments karke jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
