Yeh baat pichle saal ki hai, jab Mark Zuckerberg ki company Meta me kaam kar rahe Arpan Tiwari ko, job se nikaale jaane ka shock laga. Asal me Arpan Tiwari “Human Resource Professional” ke taur pe Meta Singapore me kaam kar rahe the, unhe Meta ke taraf se Diwali vacation ke dauran naukri se nikaale jaane ki khabar mili, jisne Arpan ko andar tak chaunka diya tha. Pichle saal Meta ne apni company se 11,000 logon ko hataya tha, jisme se ek Arpan bhi the. Halanki Arpan ke liye khabar itni gehri thi, ki unhone yeh baat apne maata-pita ke saamne kehne ki himmat hi nahi ki, aur woh pura wakt aise pretend karte rahe jaise ki unhe naukri se kisi ne nikaala hi nahi hai. Dekha jaaye toh film “Munna Bhai-3” me, Munna bhi apne maata-pita ke saamne videsh me acchi company me naukri karne ka juth keh sakta hai. Par isme twist yeh hoga, ki woh videsh me kisi company me naukri nahi kar raha hoga, balki woh waha pe illegal drugs ki supply kar raha hoga, jis baat se Munna ke maata-pita anjaan honge, jis kaaran woh apne bete ko ek acche insaan ke roop me dekhte honge.
Arpan ki baat kare, toh unhone bataya ki jab se unhe Meta ne naukri se nikaala hai, tab se woh yeh baat apne pariwaar se chupa rahe hai, kyunki woh apne pariwaar ka dil nahi todna chahte hai aur naa hi unhe kisi bhi tarah ki tension dena chahte hai. Jab tak Arpan apne liye ek nayi naukri nahi doondh lete tab tak woh apne budhe maata-pita ko iss umar me kisi bhi tarah ka tension nahi dena chahte hai. Arpan kehte hai ki woh apne pariwaar ke saamne naukri khone ki baat tab hi karenge, jab woh apne liye ek acchi naukri ki talaash kar chuke honge, lekin Arpan ke liye apne pariwaar se iss baat ko chupana bilkul bhi asaan nahi hai. Arapn kehte hai ki “har din unke chehare ko dekhte huye, unse baatein karna aur inn sab baare me juth bolna kaafi painful hai.” Wahi Arpan ko ab bhi yeh nahi pata ki aakhir unhe naukri se nikaala kyun? Arpan ke mutaabik company ne unhe bus unke performance aur tenure ko lekar kuch kaha aur phir unhe seedhe naukri se nikaalne ki baat keh di. Par Arpan ka kehna hai ki woh company me apne jaise aur bhi kayi aise logon ko jaante the, jo naa sirf apna kaam wakt pe karte the, balki unka target bhi overachieved hota tha. Par inn sab ke bawajood bhi Arpan ke alawa unn sabhi ko Meta ne naukri se nikaal diya. Arpan jo company me HR professional the, unhe “recruitment acquisition” ke taur pe 5 saal se jyada ka experience hai.
Wahi Meta ne jab se apni company se staffs ko hataya hai, tab se logon ki taraf se company ko kaafi jyada criticism ka saamna karna pad raha hai, jiske defence me company ke maalik Mark Zuckerberg ka kehna hai ki woh apni company ko kisi bhi haal me accha banana chahte hai aur staff ko hatana issi baat ka ek hissa hai.
Hum aapki jaankaari ke liye batana chahte hai ki jis WhatsApp, Facebook, Instagram jaise application ka aap rozana istemaal karte hai, woh sab Meta ka hi hissa hai.
Dekha jaaye toh Munna bhai bhi Malaysia ya Germany jaane ka naatak apne pariwaar ke saamne kar sakta hai, jisme woh apne pariwaar se aisa kahega ki woh videsh ke Multi National Company me kaam kar raha hai, par woh asal me apne gundon ke saath milkar, drugs ki smuggling kar raha hoga. Wahi ek din Munna ka priwaar bina bataye Munna se milne uske ghar pe pahuch jaata hai, kyunki woh Munna ko surprise dena chahte honge, iske alawa woh apne bete ka haal-chaal bhi puchna chahte honge. Issi kaaran woh Munna ke ghar, jo asal me Videsh me hai, waha pahuch jaate hai, lekin Munna ko jab iss baat ka pata chalta hai toh woh apne drugs ke illegal dandhe ko chupaane ki puri koshish karne lag jaata hai. Iss kahani me dekhna yahi hoga ki Munna aakhir apne pariwaar dwara pakra jaata hai ya nahi.
The End