Salman khan ki upcoming film “Kisi ka bhai kisi ki jaan” unke fans ke beech kaafi popular topic ban chuki hai. Khaaskar iss film se joodi cast ko dekhne ke liye fans kuch jyada hi excited nazar aa rahe hai. Abhi haal hi me iss film ka teaser launch hua hai, jisme South ke Superstar Daggubati Venkatesh ki ek jhalak logon ne dekhi. Venkatesh 28 saal baad Bollywood me waapasi karne jaa rahe hai, jo apne aap me hi ek record bante nazar aa raha hai. SRK ki film Pathaan dekhne theatre pahuche darshakon ko Salman ki upcoming film ka teaser dekhne ko mila, jo bhi 25 January 2023 ko hi release kiya gaya tha. Fans ke saamne jaise hi teaser launch hua,tab aisa laga ki sabhi apna hosh kho baithe ho. Teaser jaise hi fans ke saamne launch hua, sab ki jubaan se bas ek hi baat nikli “Woh dekho bhai”. theatre me maujood har koi SRK ki film ke beech Salman ka teaser dekh khush ho raha tha. Indirectly fans ko “SRK-Salman” content mil gaya, jiske liye woh humesha umeed karte hai. Fans ne teaser me South actor Daggubati Venkatesh ki ek choti si jhalak dekhi, jisse unke fans ke beech kaafi excitment dekhne ko mil rahi hai. Asal me teaser ke launch hone se pehle kisi ko yeh baat pata nahi thi, ki Venkatesh bhi iss film ka hissa hai. Issi kaaran unke fans ko yeh surprise kaafi pasand aa raha hai. Venkatesh ne apna Bollywood debut 1993 me aayi film “Anari” se kiya tha. Issi ke 2 saal baad, saal 1995 me Venkatesh film “Taqdeerwala” me nazar aaye, jiske baad woh Bollywood se door hokar South industry pe dhyaan dene lage. Film “Kisi ka bhai kisi ki jaan” 28 saal baad Venkatesh ki Bollywood me waapasi karane jaa rahi hai, jo apne aap me ek badi baat hai. Venkatesh ne “Kisi ka bhai kisi ki jaan” karne se pehle sirf do hi Bollywood filme ki hai, lekin dono me hi unhone lead kirdaar nibhaya hai. Aise me maana jaa raha hai ki iss baar bhi Venkatesh ko important role diya jaa sakta hai. Salman ki iss film me Venkatesh ke alawa actress Shehnaaz Gill aur Pooja Hegde bhi nazar aane waali hai.
Shehnaaz ki baat kare toh Punjabi actress ke liye Bigg Boss season 13, turning point saabit hua. Iss reality show ko host karne waale Salman ke liye Sidharth shukla toh humesha se hi favourite the aur issi wajah se Siddharth ki dost Shehnaaz bhi Salman ki khaas ban gayi. Aaj Shehnaaz Salman khan ki hi film se apna Bollywood debut karne jaa rahi hai, jo unke liye bahut bada break hai. Bigg Boss ke dauran hi sab samjh gaye the ki Salman Shehnaaz ko lekar kitne emotional hai. Yahi kaaran hai ki, unhone apni film me Shehnaaz ko bhi jagah di aur unhe apni behan ka kirdaar diya. Salman jab apni yeh film Shehnaaz ko offer kar rahe the, toh unhone uss dauran Shehnaaz se kuch baatein bhi kahi thi. Aap jaan’na nahi chahenge ki aakhir bhai ne Shehnaaz se film dete wakt kya kaha tha?
Salman ne Shehnaaz se kaha ki, “Tum jitni chahe utni fees bata dena, tumhe mil jaayegi.” Asal me kaafi dino se media yeh pata lagane ki koshish kar rahi hai ki, aakhir Shehnaaz ne iss film ke liye kitna paisa liya hai, lekin media ki har koshish fail hi jaa rahi hai. Aisa lag raha hai jaise yeh baat Salman aur Shehnaaz ke beech ki secret hai. Shehnaaz ki estimated annual income kareeb 3 crore rupay hai, wahi unki monthly salary kareeb 25 lakh rupay hai. Apni pehli Bollywood film karne jaa rahi Shehnaaz, isse pehle kayi Punjabi movies bhi kar chuki hai. Maana jaa raha hai ki, Salman ki iss film ko karne ke baad, Shehnaaz kaafi jyada popular ho jaayengi aur unke pass filmon ki kami nahi rahegi. Dekhna yahi hoga ki bhai ka jaadu kitna chalta hai.
Ironically dekha jaaye toh Salman ne hi Katrina kaif ko launch kiya tha aur ab woh “Punjab ki Katrina” kahi jaane waali Shehnaaz ko bhi launch karne jaa rahe hai. Toh kya hum yeh maan le ki Shehnaaz, ab Katrina jitni popular hone waali hai?
Well, hone ke liye kuch bhi ho sakta hai..hain naa?
Toh yeh thi aaj ki kahani. agar aapko yeh content pasand aaya toh ise share karna naa bhule dhanyawaad!
The End