Hansana kise pasand nahi aur agar puri film hi comedy par based ho toh bas maja hi aa jata hai. Sajid Khan ka naam kisne nhi sunna hai, yeh famous hai hi Comedy movies ke liye. Jitna inhone hansaya hai apni movies se sayad hi Rohit Shetty ke alawa hame kisi aur director ne hansaya hoga. Sajid Khan ne bollywood industries ko Housefull jaisi 3 aisi movies di hai jisse dekh audience abhi bhi hans- hans kar lot pot ho jaate hai. Kehte hai na ki hame TV par sirf reel dikhayi jaati hai na ki real chize lekin parde ke pichey bahut kuch aisa ho raha hota hai jisse hum audience hamesha hi anjaan rehte hai aur sayad hi kabhi wo saari baatein ham tak pahuchati hai. Aaj hum housefull movie ke shootings ke dauraan hui kuch aisi controversies ke baare mein jaanenge jo sayad hi hum mein se kaafi logo ko pata bhi nhi hogi aur unko lagega ka ki kya kabhi kuch aisa bhi hua tha shooting ke dauraan.
Baat hai Housefull 2 ki movie ki shooting ke time ki jab Sajid khan ne apni puri jor lagwa di thi ki movie super hit ho aur hui bhi thi. Sajid Nadiadwala ye wo director hai jo kisi bhi scene ko real dikhane ke liye kuch bhi kar sakhte hai innhone kai aisi filmey ki hai jo lagta hi nhi ki wo set banaya gaya tha maano sach mein waisi koi duniya hoti hai, aur puri set inhone housefull 2 ke dauraan banawaya tha . Jab writers ne Sajid Nadiadwala ko bataya ki unko movie ki first half London mein shoot krni hai uske baad dusri half mumbai mein toh unhone bola ki thik hai waisa hi hoga toh jab wo log London se shooting complete karke aa gaye tabh unhe yaad aaya ki uss film ki ek song London ke burghley palace mein shoot honi thi lekin makers wo waha shoot nhi kar paaye. Jab ye baat Sajid Nadiadwala tak pahunchi toh unhone kaafi sochne ke baad 5 crore ki laagat mein London ke Burghley jaisi duplicate copy mumbai film city mein banwa ke rakh di taaki movie ki shooting mein koi dikaat na aaye,waisa hi hua makers ka kehna tha jab Sajid Nadiadwala Mujhse Shaadi Karogi mein pura mohalla bana sakhte hai toh unke liye ek palace banwana kon si badi baat hai. Sajid Nadiadwala bas itna chahte thy ki Housefull ka sequel pahele movie se jada best ho aur movie Super Hit ho jaaye.
Issi waqt jab London palace ki set ko lekar ye movie controversy mein thi thik ussi waqt ek aur udti udti khabar aai ki ek scene tha jisme Akshay Kumar aur John Abraham ko ek dusre ke gaale ko aisaa pakadna tha ki lage sach mein pakad kar jor se usse dabaya ja raha hai, iske liye kaafi takes bhi huye lekin pata nhi kiu makers ko wo scene perfect lag hi nhi raha tha wo baat baar takes pe takes liye ja rahe the. Aakhir kaar ek aisa scene aaya jab Akshay Kumar aur John Abraham ne decide kiya ki wo iss scene ko puri reality ke sath karenge aur unhone ye baat yaha tak ki na toh apne director ko bataya tha aur na hi producer ko jaise hi action bola gaya dono ne ek dusre ka gala sach mein daba diya tha jor se , Sajid Khan ko wo scene ek dum perfect lagi lekin jab wo scene chal raha tha toh dono ne iss kadar ek dusre ka gala dabaya hua tha ki jab ye chiz Sajid ne dekha toh turant cut bol diya aur unn se pucha ki wo dono thik toh hai na, dono ne bola ki wo bilkul thik hai aur agar wo dono iss scene ko shiddat se nhi karte toh ye aache se aata bhi nhi aur dikhta bhi nhi . Unke makers ne toh bhi kaha tha ki suffocation ke wajah se dono ki aankhein tak laal ho gayi thi aur aanshu tak aane lage the. Yeh baat sach hai ki kai baar actor ho ya actress kisi bhi scene ko sacha dikhane ke liye uss scene mein apni jaan tak laga dete hai. Iske baad se sabhi logo ne dono ki acting ko saraha aur khub taarif bhi ki thi. Movie complete hui aur finally realese bhi ho gayi jaisa ki maine kaha tha hansna kise pasand nhi aur ye housefull 2 pahele waale se bhi jada hit sabit hui.
Finally director ne decide kiya ki wo ab Housefull 3 bhi laayenge unhone taiyari shuru kar di aur actor – actress ka selection bhi ho gaya iss baar saare new chehre the siwaaye Akshay Kumar, Ritesh Deshmukh aur Jacqueline Fernandes ke. Film ki shooting khatm hui aur udte udte ye khabar aai ki Sajid Khan aur Jacqueline Fernandes ek dusre ko date kar rahe hai ab iss baat par kitni sachai thi ye baat sirf wo dono hi jaante the. Housefull 3 bhi bankar ready hui aur release hui ye bhi hit rahi toh makers ne socha kiu na haar saal ek housefull launch ki jaaye aur unhone Housefull 4 ki shooting start kar di iss baar saare log change ho chuke the siwaaye Akshay Kumar aur Ritesh Deshmukh ke . Jab ek interview mein Jacqueline se pucha gaya tha ki kiya unko housefull 4 ke liye cast gaya tha toh unhone iss question ko ignore kar diya. Ek report ke mutabik abhi kuch din pahele hi Sajid Khan aur Jacqueline Fernandes ka breakup hua tha .Times of India mein ek interview ke dauraan Sajid Khan ne bataya tha ki wo jab Jacqueline ko date kar rahe the uss waqt Himmatwala movie ki shooting chal rahi thi aur jab ye movie release hui toh wo kuch khaas parde par nhi chali aur flop ho gayi. Sajid Khan ne direct iska iljaam Jacqueline par laga diya unka kehna tha ki uss waqt unka dhiyan movie par kam Jacqueline par jada rahta tha jiske kaaran movie flop hui , Sajid Khan ne ye bhi kaha tha ki agar aapke life mein koi mahila nhi ho toh aap hamesha kisi ek kaam par aache se focus kar sakte ho aur maine Humsakal ke waqt inn sab chizo par focus nhi dekar sirf movie par di thi. Aisa nhi tha ki Sajid ne sirf Jacqueline ko date kiya ho, aisi aur kaafi mashoor actress reh chuki hai jinko inhone date kiya tha. Jab breakup ko lekar same question Jacqueline se puchi gayj toh unhone iska koi jawab nhi diya tha, aur apne nizee kaamo mein busy ho gayi hai. Issi wajah se Sajid Khan ne Jacqueline ko housefull 4 mein koi role nhi diya tha. Ussi movie ke dauran hui Me too campaign par Sajid Khan bahut bura faase the aur unko bhi uss movie se haanth dhona pada tha aur Sajid Nadiadwala ne usse hit karne ke liye apni jee Jaan tak laga di thi. Kai aisi actress thi jinhone Sajid Khan par complain register kiya tha, bahut muskilo ke baad iss movie ki shooting complete hui aur baad mein release ki gayi. Logo ne iss movie ko khub piyar diya aur khaas karke Saitaan ka khaala song ko jada viral kiya gaya tha.
Abhi filhaal Jacqueline Fernandes shurkhiyo mein phir se chaai rahi ek common men ki wajah se , khabar ye aai thi ki Sukesh naam ke ek common men ke sath wo relationship mein hai aur unhone ek lovebite waali ek photo post ki thi jo bahut viral hui thi jispar Jacqueline ne veiwers se appeal kiya tha ki iss photo ko jada viral na kiya jaaye. Filhaal makers busy hai Housefull 5 ki script ko complete karne mein unka kehna hai ki iss baar wo 5 bade bade actors ko cast karenge aur unn sab ko ek aisa role denge jiss se wo khud ki character ko aache se dikha paaye. Umeed hai hame 2023 ke last tak mein Housefull 5 dekhne ko mil sakhta hai.
Toh aisi kai saari movies hoti hai jinke parde ke pichey kai aisi chize ho rahi hoti hai jo hame pata nhi hoti.Aapko kaisi lagi ye story jarur bataiyega aur tab tak aap apna dhiyan rakhiye aur hamesha muskurate rahiye.
Chandan Pandit
